بالصور..مزارع يطرد ريهانا من ارضه وقالها:”اعرفى ربنا”
كتبَ / سمر العباسى
راحت تصور كليب فى مزرعة فى أيرلندا الشمالية، ولبست البكينى الأحمر ونزلت المزرعة ودارت الكاميرا وبدأت ريهانا تاخد وضع التصوير بس فجأة ظهر راجل عجوز اسمه آلان جراهام "61سنة" ووقف التصوير واعترض على وجود ريهانا فى ارضه وقال"اخرجى من ارضى واعرفى ربنا ، لو حد عايز يقعد على ارضى و حاول يغضب ربنا مش هتردد فى منعه"وطلب من ريهانا انها تقرا الكتاب المقدس و اكد انه معندوش سوء نية ضد ريهانا و صحابها بس هما محتاجين يعرفوا ربنا.
ووضح أنه ماكنش مضايق من البكينى كلبس للسباحة، لكن اللى ضايقة هو اللى كانت هتعمله المغنية فى لقطة من اللقطات وهى انها هتقلع الجزء اللى فوق من لبسها.
مع العلم ان ريهانا"23سنة"عامله قلق بسبب لبسها المبالغ فيه ورقصها الاستفزازي حتى إن بعض الأمريكان طالبوا بمنع المراهقين من انهم يشوفوا أغانيها...وردت ريهانا على المنتقدين وقالت إن عنده جسم منفجر بالأنوثة وإنه من الغباء انها تخبى الجمال ده كله.
